नुकताच हिवाळा सुरु झाला आहे अशातच काही गरमागरम आणि झणझणीत खायची इच्छा होत असते आणि बाजारात मटार सुद्धा यायला सुरवात झाली आहे . म्हणून आपण करायला सोप्पी अशी पाव भाजी (Pav Bhaji) कशी बनवायची ते पाहूया.
साहित्य
- कांदे – ४-५ (बारीक चिरून )
- बटाटे – ५-६ (उकडून घेतलेले)
- टोमॅटो – ४-५
- कौलीफ्लॉवर – १ वाटी
- हिरवे वाटणे – १ वाटी
- गाजर – १/२ वाटी
- शिमला मिरची – १/४ वाटी
- बीट – २-3 चमचे (कलर येण्यासाठी )
- पाव भाजी मसाला – २ चमचे
- हळद – १/४ चमचा
- मीठ – चवीनुसार
- बटर – आवडीप्रमाणे
- पाव
कृती
- प्रथम हिरवे वाटणे,गाजर , कौलीफ्लॉवर , बीट उकडून घ्यावेत.
- उकडलेले बटाटे किसून त्यात उकडलेल्या सर्व भाज्या घालून स्मॅश करून घ्याव्यात
- नंतर एका मोठ्या कढई मध्ये बटर घालून त्यात बारीक चिरलेला कांदा सोनेरी रंग येईपर्यंत भाजून घ्यावा
- कांदा गुलाबी रंग येईपर्यंत भाजत आला कि त्यात बारीक चिरलेली शिमला मिरची घालावी. त्याने स्वाद खूप छान येतो
- नंतर त्यात टोमॅटो ची पेस्ट घालावी
- सगळे मिश्रण चांगले परतून घ्यावे
- नंतर त्यात पावभाजी मसाला , हळद घालून तेल सुटेपर्यंत परतून घ्यावे
- आता सर्व भाज्या थोडं पाणी आणि चवीप्रमाणे मीठ घालून शिजवून घ्याव्यात
- सजावटी साठी वरून कोथींबीर घालावी
- पावला बटर लावून ते भाजून घ्यावेत
- अशी तयार आहे गरमागरम पाव भाजी (Pav Bhaji)
खाताना भाजी वर बटर, कांदा, लिंबू घालावे त्याने चव खूप छान येते.
